Июн 2022

Вохӯрии Вазири рушди иқтисод ва савдо бо Директори иҷроияи Маркази байналмилалии савдо

Подробности статьи

15 июни соли 2022 дар ҳошияи Конфронси 12-уми вазирони Созмони Умумиҷаҳонии Савдо дар шаҳри Женеваи Конфедератсияи Швейтсария вохӯрии Вазири рушди иқтисод ва савдои Ҷумҳурии Тоҷикистон Завқизода Завқӣ Амин бо Директори иҷроияи Маркази байналмилалии савдо (МБС) хонум Памела Коук - Ҳамилтон баргузор гардид.

Мулоқоти муовинони вазирони рушди иқтисод ва савдои Ҷумҳурии Тоҷикистон ва сармоягузорӣ ва савдои хориҷии Ҷумҳурии Ӯзбекистон

Подробности статьи

Рӯзи 14 июни соли 2022 дар шаҳри Женеваи Конфедератсияи Швейтсария дар ҳошияи Конфронси 12-уми вазирони Созмони Умумиҷаҳонии Савдо (СУС) мулоқоти дуҷониба байни Муовини вазири рушди иқтисод ва савдои Ҷумҳурии Тоҷикистон Абдураҳмонзода Абдураҳмон Сафаралӣ ва Муовини вазири сармоягузорӣ ва савдои хориҷии Ҷумҳурии Ӯзбекистон Абидов Бадриддин Нурутдинович баргузор гардид.

Тоҷикистон ҷаласаи навбатии Гурӯҳи кории Барномаи махсуси СММ барои иқтисодиёти Осиёи Марказӣ (СПЕКА) оид ба савдоро раисӣ намуд

Подробности статьи

Рӯзи 14 июни соли 2022 дар ҳошияи Конфронси 12-уми вазирони Созмони Умумиҷаҳонии Савдо ҷаласаи пайгирикунандаи Гурӯҳи кории СПЕКА оид ба савдо бо иштироки намояндагони кишварҳои Озарбойҷон, Қазоқистон, Қирғизистон, Тоҷикистон, Туркманистон ва Ӯзбекистон, инчунин намояндагон аз созмонҳои бонуфузи байналмилалӣ дар шаҳри Женеваи Конфедератсияи Швейтсария баргузор гардид, ки чорабиниро Муовини вазири рушди иқтисод ва савдо Абдураҳмонзода Абдураҳмон Сафаралӣ раисӣ кард.

Ҳайати Тоҷикистон дар Конфронси 12-уми вазирони Созмони Умумиҷаҳонии Савдо иштирок намуд

Подробности статьи

Рӯзи 12 июни соли 2022 ҳайати Ҷумҳурии Тоҷикистон таҳти роҳбарии Вазири рушди иқтисод ва савдо Завқизода Завқӣ Амин дар маросими ифтитоҳи Конфронси 12-уми вазирони кишварҳои аъзои Созмони Умумиҷаҳонии Савдо (СУС) дар шаҳри Женеваи Швейтсария иштирок намуд.

Участие в пятнадцатом заседании Белорусско-Таджикской Межправительственной комиссии по вопросам торгово-экономического сотрудничества

Подробности статьи

8 июня 2022 года в городе Минске Республики Беларусь под председательством Министра сельского хозяйства Республики Таджикистан Каримзода С.Г. и Министра сельского хозяйства и продовольствия Республики Беларусь Брыло И.В. прошло пятнадцатое заседание Таджикско-Белорусской Межправительственной комиссии по вопросам торгово-экономического сотрудничества.

Вохӯрии Муовини вазири рушди иқтисод ва савдо бо Муовини вазири корҳои хориҷии Ҷумҳурии Корея оид ба масъалаҳои иқтисодӣ

Подробности статьи

6 июни соли 2022 вохӯрии Муовини вазири рушди иқтисод ва савдои Ҷумҳурии Тоҷикистон Абдураҳмонзода Абдураҳмон Сафаралӣ бо Муовини вазири корҳои хориҷии Ҷумҳурии Корея оид ба масъалаҳои иқтисодӣ баргузор гардид, ки дар доираи он тавсеа ва рушди минбаъдаи ҳамкориҳои тиҷоративу иқтисодӣ миёни ду кишвар мавриди баррасӣ қарор дода шуд.

Президенти Гурӯҳи Бонки Исломии Рушд барои дастгирии соҳаҳои афзалиятноки Ҷумҳурии Тоҷикистон изҳори омодагӣ баён намуд

Подробности статьи

4 июни соли 2022 ҳайати расмии Ҷумҳурии Тоҷикистон бо роҳбарии Вазири рушди иқтисод ва савдо, мудири кишварии Гурӯҳи Бонки Исломии Рушд (БИР) аз Тоҷикистон Завқизода Завқӣ Амин бо Президенти Гурӯҳи БИР доктор Муҳаммад ал Ҷассер дар шаҳри Шарм-эл-Шейхи Ҷумҳурии Арабии Миср вохӯрӣ намуд.

Завқизода З. А. қайд кард, ки таҳти сиёсати хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамкориҳо бо шарикони рушд, ба хусус бо Гурӯҳи БИР барои таъмини рушди иқтисоди миллӣ муҳим арзёбӣ мегардад.

Дар рафти вохӯрӣ ҷонибҳо масъалаҳои густариши ҳамкориҳо байни Ҷумҳурии Тоҷикистон ва Гурӯҳи БИР, рафти амалишавии лоиҳаҳои он, ҷалби маблағҳои имтиёзнок вобаста ба таъсири омилҳои берунӣ ва нақшаи зиддибуҳронии ҳукумати ҷумҳурӣ, лоиҳаҳои нави афзалиятнок дар асоси ҳадафҳои рушди кишвар, афзоиши сармояи умумии Бонк ва дурнамои ҳамкориҳои миёнамуҳлат мавриди баррасӣ қарор дода шуданд.

Дар робита ба ин Завқизода З. А. аз Президенти Гурӯҳи БИР дархост намуд, ки маблағгузориҳо ба соҳаҳои афзалиятноки иқтисоди миллӣ вобаста ба пешгирии таъсири хавфҳои эҳтимолӣ ба соҳаҳои иҷтимоию иқтисодии Тоҷикистон, инчунин ноил гардидан ба ҳадафу афзалиятҳои стратегии Ҳукумати ҷумҳурӣ, рушди иқтисоди сабз, бахусус сохтмони иқтидорҳои нави энергетикӣ, иқтисоди рақамӣ, саноатикунонӣ, таъмини амнияти озуқаворӣ, соҳаҳои иҷтимоӣ ва тақвияти иқтидори содиротӣ зиёд карда шаванд.

 Дар навбати худ Президенти Гурӯҳи БИР омодагии худро барои зиёд намудани маблағгузории лоиҳаҳо дар самтҳои қайдгардида, инчунин тақвияти ҳамкориҳои минбаъда баён намуд.

Илова бар ин аз Президенти Гурӯҳи БИР даъват ба амал оварда шуд, ки ба Ҷумҳурии Тоҷикистон ташриф оварад, ки хуш пазируфта шуд.

Қайд бояд кард, ки то имрӯз аз ҷониби Гурӯҳи БИР 86 лоиҳаҳои сармоягузорӣ ба маблағи 641 млн. доллар дар соҳаҳои гуногуни иқтисоди Ҷумҳурии Тоҷикистон татбиқ шуда, айни замон 23 лоиҳа ба маблағи 285 млн. доллар амалӣ мегарданд.

Ҳайати Тоҷикистон дар мизи мудаввари мудирони Гурӯҳи Бонки Исломии Рушд зери мавзӯи «Баъди Барқароршавӣ: тобоварӣ ва устуворӣ» иштирок намуд

Подробности статьи

4 июни соли 2022 мизи мудаввари мудирони Гурӯҳи Бонки Исломии Рушд (БИР) зери мавзӯи «Баъди барқароршавӣ: тобоварӣ ва устуворӣ» (Beyond recovery: resilience and sustainability) дар шаҳри Шарм-эл-Шейхи Ҷумҳурии Арабии Миср баргузор гардид.

Вохӯрии Вазири рушди иқтисод ва савдо бо Роҳбари Корпоратсияи Исломӣ оид ба Рушди Бахши Хусусӣ

Подробности статьи

3 июни соли 2022 вохӯрии Вазири рушди иқтисод ва савдо, мудири кишварии Гурӯҳи Бонки Исломии Рушд (БИР) аз Ҷумҳурии Тоҷикистон Завқизода Завқӣ Амин дар доираи ҷаласаҳои солонаи Гурӯҳи БИР бо Роҳбари Корпоратсияи Исломӣ оид ба рушди бахши хусусӣ (ICD) Айман Сежини баргузор гардид.

Вохӯрии Вазири рушди иқтисод ва савдо бо Директори минтақавии Бонки Исломии Рушд дар Осиёи Марказӣ

Подробности статьи

2 июни соли 2022 дар доираи ҷаласаи солонаи Гурӯҳи Бонки Исломии Рушд (БИР) вохӯрии Вазири рушди иқтисод ва савдо, мудири кишварии Гурӯҳи БИР аз Ҷумҳурии Тоҷикистон, роҳбари ҳайати расмии Ҷумҳурии Тоҷикистон Завқизода Завқӣ Амин бо Директори минтақавии БИР дар Осиёи Марказӣ Иброҳим Шукрӣ баргузор гардид.