Мутобиқи маълумоти «Вести.Экономика» дар гузориши омоданамудаи Хазинаи Байналмилалии Асъор ба вохӯрии молиявии давлатҳои «20-гона» 8-9-уми июн дар Ҷопон қайд мешавад, ки иқтисоди ҷаҳон бо сабабҳои низоъҳои тиҷоратӣ миёни ИМА ва Ҷумҳурии Халқии Хитой дар соли 2020-ум 0,3 фоиз коҳиш меёбад.

«Вести.Экономика» иттилоъ медиҳад, ки тибқи дурнамои Бонки Ҷаҳонӣ бо назардошти сустшавии рушди савдо ва кам гардидани ҳаҷми сармоягузориҳо дар ҷаҳон рушди иқтисодиёти ҷаҳон дар соли 2019 коҳиш меёбад.

Тибқи маълумоти «Вести.Экономика» «The Wall Street Journal» иттилоъ медиҳад, ки боҷҳо ва низоъҳои тиҷоратӣ ба истеҳсолкунандагони техникаи соҳаи кишоварзии ИМА, ки аллакай ба сустшавии талабот аз ҷониби кишоварзон рӯ ба рӯ шуда истодаанд, зарар мерасонанд.