15 апрели cоли 2016 Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода Сафири Фавқулода ва Мухтори Иёлоти Муттаҳидаи Амрико дар Ҷумҳурии Тоҷикистон, хонум Элизабет Инга Миллардро ба ҳузур пазируфт.

20 апрели соли ҷорӣ дар Вазорати рушди иқтисод ва савдо мулоқоти Муовини Вазир Камолиддинзода Илёсиддин бо ҳайати намояндагони Корпоратсияи исломӣ оид ба рушди бахши хусусӣ таҳти Роҳбарии хонум Нидо Раза, ки бо мақсади роҳандозии фаъолиятҳои машваратӣ барои ташкилотҳои молиявӣ (Барномаи IFI), Сукук ва барномаҳои бозорӣ (Барномаи SCM) ва дастгирии саноату бахши хусусӣ (Барномаи IBES), инчунин дарёфти роҳҳои нави таҳкими робитаҳо бо сохторҳои давлатию хусусӣ ба шаҳри Душанбе ташриф овардаанд, баргузор гардид.

10 марти соли 2016 Вазири рушди иқтисод ва савдо Неъматулло Ҳикматуллозода дар оғози вохӯрӣ Сафири навтаъйини Ҷумҳурии Маҷористон дар Ҷумҳурии Тоҷикистон (бо қароргоҳ дар ш.Остона) ҷаноби Андраш Бараниро барои ташриф ва таъйин шуданаш ба ин мақом муборакбод намуда, изҳори боварӣ намуд, ки аз ин пас робитаҳои иқтисодию тиҷоратӣ байни ду кишвар густариши бештар касб хоҳад кард.