11 майи соли 2017 дар Вазорати рушди иқтисод ва савдо ҷаласаи муштарак оид ба шарҳи солонаи Барномаи қолабии СММ оид ба расонидани кумак баҳри рушд дар Тоҷикистон барои солҳои 2016-2020 (ЮНДАФ) бо иштироки намояндагони вазорату идораҳо, оҷонсиҳои СММ ва ташкилотҳои ҷомеаи шаҳрвандӣ баргузор гардид.

Рӯзҳои 3-6 майи соли ҷорӣ Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода дар ҷаласаи солонаи 50-уми Шӯрои Мудирони Бонки Осиёии Рушд (БОР), ки дар шаҳри Ёкоҳамаи Япония баргузор гардид, иштирок намуд.

5 майи соли 2017 дар Вазорати рушди иқтисод ва савдо бо иштироки роҳбарият, кормандони дастгоҳи марказии Вазорат, инчунин муовини директори Маркази исломшиносӣ дар назди Президенти Ҷумҳурии Тоҷикистон Мутеулло Наҷотзода ва сармутахассиси Раёсати танзими Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Нигина Ризоева ҷамъомади тантанавӣ бахшида ба 10-солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» баргузор гардид.