Ба маълумоти вазорату идораҳо, ташкилотҳои байналмилалии молиявӣ, шарикони рушд, сармоягузорону соҳибкорон ва шаҳрвандон расонида мешавад, ки бо шарофати дастгириву ғамхориҳои беандозаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон вазорат ба бинои наву замонавӣ дар суроғаи ноҳияи Исмоили Сомонӣ, хиёбони Рӯдакӣ 78 гузаштааст. Бинобар ин барои тамос ва ташриф овардан ба суроғаи мазкур муроҷиат намоед.

25 ноябри соли 2024 Вазири рушди иқтисод ва савдои Ҷумҳурии Тоҷикистон Завқизода Завқӣ Амин дар Форуми байналмилалии «Digital Tajikistan», ки бо ташаббуси Агентии инноватсия ва технологияҳои рақамии назди Президенти Ҷумҳурии Тоҷикистон дар шаҳри Душанбе баргузор гардид, иштирок ва суханронӣ намуд.

28 ноябри соли 2024 дар шаҳри Душанбе ҷаласаи 19-уми Шӯрои роҳбарикунандаи Барномаи махсуси СММ барои иқтисодиёти Осиёи Марказӣ (СПЕКА) таҳти раёсати муовини Вазири рушди иқтисод ва савдо Нуриддинзода Аҳлиддин Нуриддин ва бо иштироки намояндагони кишварҳои Озарбойҷон, Қазоқистон, Қирғизистон, Тоҷикистон, Туркманистон, Ӯзбекистон, Комиссияи иқтисодии СММ барои Аврупо (UNECE), Комиссияи иқтисодӣ ва иҷтимоии СММ барои Осиё ва Уқёнуси Ором (UN ESCAP) баргузор гардид.