Оид ба натиҷаҳои Анҷуманҳои байналмилалии иқтисодӣ

Подробности статьи

Ҳамасола Вазорати рушди иқтисод ва савдои Ҷумҳурии Тоҷикистон бо мақсади муаррифии имкониятҳои сармоягузорӣ дар минтақаҳои озоди иқтисодӣ ва мусоидат намудан ба рушди иҷтимоию иқтисодии ҷумҳурӣ, аз ҷумла минтақаҳои алоҳидаи он чун анъана анҷуманҳои байналмилалии иқтисодиро дар шаҳру ноҳияҳои мухталифи кишвар баргузор менамояд, ки барои ҷалби сармояи мустақими ватанию хориҷӣ такони ҷиддӣ дода, барои рушди минбаъдаи онҳо мусоидат менамояд.

Бояд гуфт, ки 13 октябри соли 2017 дар ноҳияи Данғара Анҷумани байналмилалии иқтисодии «Данғара-2017» баргузор гардид. Дар анҷумани мазкур намоядагони Ҳукумати Ҷумҳурии Тоҷикистон, вазорату идораҳои дахлдори кишвар, Мақомоти иҷроияи ҳокимияти давлатии вилояти Хатлон инчунин, намояндагони созмонҳои байналмилалӣ, корпусҳои дипломатӣ ва соҳибкорони хориҷию ватанӣ дар маҷмӯъ зиёда аз 250 нафар иштирок намуданд.

Оид ба фаъолияти субъектҳои минтақаҳои озоди иқтисодӣ (МОИ)

Подробности статьи

Ба ҳолати семоҳаи якуми соли 2018 дар минтақаҳои озоди иқтисодии кишвар 63 ширкати ватанию хориҷӣ ҳамчун субъекти МОИ ба қайд гирифта шудаанд, ки бештари онҳо ба минтақаҳои озоди иқтисодии “Суғд” ва “Данғара” рост меоянд. Аз шумораи умумии субъектон 27 ширкат аллакай истеҳсолотро шурӯъ намудааст, ки бозори фурӯши маҳсулотҳои онҳо ба ғайр аз Ҷумҳурии Тоҷикистон, ҷумҳуриҳои Ӯзбекистон, Қирғизистон, Туркманистон, Афғонистон, Қазоқистон ва Федератсияи Россияро дар бар мегирад.

Зикр кардан ба маврид аст, ки соли ҷорӣ низ бақайдгирии субъектҳои нав дар минтақаҳои озоди иқтисодии кишвар ба нақша гирифта шудааст, ки самтҳои истеҳсолӣ, тиҷоратӣ, логистикӣ ва ғайраро дар бар мегиранд.

Инчунин, барои ташкили ҷойҳои нави корӣ, ҷалби техникаи муосир ва технологияи инноватсионӣ, баланд бардоштани иқтидори содиротӣ ва рушди истеҳсолоти ивазкунандаи воридот мусоидат хоҳанд кард.

Оид ба натиҷаҳои ҷаласаи Шӯрои нозирон оид ба масъалаҳои минтақаҳои озоди иқтисодӣ дар Ҷумҳурии Тоҷикистон

Подробности статьи

Мутобиқи қарори Ҳукумати Ҷумҳурии Тоҷикистон аз 30 декабри соли 2011, №664 Шӯрои нозирон оид ба масъалаҳои минтақаҳои озоди иқтисодии Ҷумҳурии Тоҷикистон таъсис дода шудааст.

Шӯрои нозирон оид ба масъалаҳои минтақаҳои озоди иқтисодии Ҷумҳурии Тоҷикистон мақомоти экспертӣ ва ҳамоҳангсози фаъолияти минтақаҳои озоди иқтисодӣ буда, ҳамоҳангсозии фаъолияти вазорату идораҳо, маъмуриятҳои минтақаҳои озоди иқтисодиро оид ба рушди фаъолияти минтақаҳои озоди иқтисодӣ таъмин менамояд.

Бояд гуфт, ки 23 декабри соли 2017 ҷаласаи навбатии Шӯрои нозирон оид ба масъалаҳои минтақаҳои озоди иқтисодии Ҷумҳурии Тоҷикистон гузаронида шуд, ки дар он масъалаҳои ҳуқуқӣ, андозию гумрукӣ ва молиявӣ мавриди муҳокима қарор дода шуд. Аз натиҷаи иҷрои бандҳои Протоколи ҷаласаи Шӯрои нозирон ба Ҳукумати Ҷумҳурии Тоҷкистон гузориши таҳлилӣ пешниҳод карда шуд.

Фаъолияти Вазорати

Подробности статьи

Ҳисобот оид ба фаъолияти Вазорати рушди иқтисод ва савдои Ҷумҳурии Тоҷикистон соли 2020

Тамос

Подробности статьи

Суроға: Ҷумҳурии Тоҷикистон, ш. Душанбе, ноҳияи Исмоили Сомонӣ, хиёбони Рӯдакӣ 78 

Тел: (992 37) 227-34-34 (қабулгоҳ)

Факс: (992 37) 221-94-63,  (992 37) 221-46-23 (шӯъбаи умумӣ)

E-mail: Этот адрес электронной почты защищен от спам-ботов. У вас должен быть включен JavaScript для просмотра. ,  Этот адрес электронной почты защищен от спам-ботов. У вас должен быть включен JavaScript для просмотра.  

Иштироки Пешвои миллат Эмомалӣ Раҳмон дар Конфронси байналмилалии сатҳи баланд таҳти унвони “Муқовимат бо терроризм ва ифротгароии хушунатомез”

Подробности статьи

4 майи соли 2018 дар Кохи Сомон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Конфронси байналмилалии сатҳи баланд таҳти унвони “Муқовимат бо терроризм ва ифротгароии хушунатомез” иштирок ва бо нутқи пурмуҳтаво баромад карданд.

Мулоқоти Пешвои миллат Эмомалӣ раҳмон бо Намояндаи махсуси Давлати Қатар оид ба мубориза бо терроризм Мутлақ Ал-Қаҳтонӣ

Подробности статьи

4 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Конфронси байналмилалии “Муқовимат бо терроризм ва ифротгароии хушунатомез” Намояндаи махсуси Давлати Қатар оид ба мубориза бо терроризм доктор Мутлақ Ал-Қаҳтониро ба ҳузур пазируфтанд.

Дар оғоз Президенти мамлакат муҳтарам Эмомалӣ Раҳмон бо қаноатмандӣ изҳор доштанд, ки “Мо ба ояндаи ҳамкории Тоҷикистон ва Қатар некбин ҳастем ва бовар дорем, ки дар партави ҳамкориҳои судманд ва дастгирии ҳамдигар ба дастовардҳои бузург дар ҳамаи арсаҳо ноил хоҳем шуд”.

Мулоқоти Президенти мамлакат Эмомалӣ Раҳмон бо Вазири давлатии корҳои хориҷии Ҷумҳурии Ҳиндустон Мубашар Ҷовид Акбар

Подробности статьи

4 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Конфронси байналмилалии “Муқовимат бо терроризм ва ифротгароии хушунатомез” Вазири давлатии корҳои хориҷии Ҳиндустон Мубашар Ҷовид Акбарро ба ҳузур пазируфтанд.

Президенти мамлакат муҳтарам Эмомалӣ Раҳмон таъкид доштанд, ки айни замон ҳамкории кишварҳо дар ҳама соҳаҳои мавриди таваҷҷӯҳи тарафайн ҷараёни мусбатро касб кардаанд ва мо ҷонибдору ҳавасманди густариши равобити гуногунҷанба бо Ҳиндустони дӯст ҳастем.

Татбиқи лоиҳаҳо ва барномаҳои мушаххаси муштарак дар соҳаҳои кишоварзӣ, энергетика, саноат, илму технология, сайёҳӣ, тандурустӣ, нақлиёт ва фарҳангию гуманитарӣ аз самтҳои афзалиятноки ҳамкории дуҷониба номида шуд.

Мулоқоти Пешвои миллат Эмомалӣ Раҳмон бо Вазири корҳои хориҷии Ҷумҳурии Қирғизистон Эрлан Абдилдаев

Подробности статьи

4 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи кори Конфронси байналмилалии сатҳи баланд таҳти унвони “Муқовимат бо терроризм ва ифротгароии хушунатомез” Вазири корҳои хориҷии Ҷумҳурии Қирғизистон Эрлан Абдилдаевро ба ҳузур пазируфтанд.

Дар ҷараёни мулоқот маҷмуи васеи масоили ҳамкории дуҷониба ва бисёрҷонибаи Тоҷикистону Қирғизистон баррасӣ карда шуд.

Ҷонибҳо зимни баррасии масъалаҳои ҳамкории дуҷониба, ки самтҳои афзалиятноки сиёсӣ, иқтисодӣ, обу энергетика ва нақлиётию транзитиро дар бар мегирад, барои таҳкиму густариши онҳо ҷоннок кардани фаъолияти Комиссияи муштараки байниҳукуматӣ оид ба баррасии ҳамаҷонибаи масъалаҳои дуҷонибаро зарур шумурданд.

Мулоқоти Пешвои миллат Эмомалӣ Раҳмон бо Муовини Дабири кулли СММ, Роҳбари Дафтари зиддитеррористии СММ Владимир Воронков

Подробности статьи

4 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи кори Конфронси байналмилалии сатҳи баланд таҳти унвони “Муқовимат бо терроризм ва ифротгароии хушунатомез” бо Муовини Дабири кулли СММ, Роҳбари Дафтари зиддитеррористии СММ Владимир Воронков мулоқот намуданд.

Дар ҷараёни мулоқот масъалаҳои ҳамкории Тоҷикистон бо СММ ва ниҳодҳои он баррасӣ гардид.