Все статьи

Рӯнамо дар мавзӯи «Тартиби таҳияи Стратегияи миллии рушди Ҷумҳурии Тоҷикистон барои давраи то соли 2030»

Подробности статьи

10 ноябри соли 2016 дар Вазорати рушди иқтисод ва савдои Ҷумҳурии Тоҷикистон ҷиҳати шиносоии кормандони вазорат ба моҳият ва аҳамияти лоиҳаи «Стратегияи миллии рушди Ҷумҳурии Тоҷикистон барои давраи то соли 2030» ҷамъомад доир гардид. Чорабинии мазкурро Вазири рушди иқтисод ва савдо Неъматулло Ҳикматуллозода бо сухани муқаддимавӣ оғоз бахшид, сипас муовини вазир Умед Давлатзод рӯнамо дар мавзӯи «Тартиби таҳияи лоиҳаи Стратегияи миллии рушди Ҷумҳурии Тоҷикистон барои давраи то соли 2030»-ро пешкаши ҳозирин намуда, хусусиятҳо, афзалиятҳо ва ҳадафҳои ҳуҷҷати мазкурро ба таври муфассал шарҳ дод.

Ҷаласаи гурӯҳӣ оид ба натиҷаҳои UNDAF

Подробности статьи

8 ноябри соли ҷорӣ дар шаҳри Душанбе ҷаласаи гурӯҳии Кумитаи Роҳбарикунанда оид ба натиҷаҳои Барномаи қолабии Созмони Милали Муттаҳид (UNDAF) бо иштироки васеи намояндагони вазорату идораҳои марбутаи кишвар ва оҷонсиҳои СММ дар Тоҷикистон баргузор гардид.

6 ноябр – Рӯзи Конститутсияи Тоҷикистон

Подробности статьи

3 ноябри соли 2016 дар Вазорати рушди иқтисод ва савдо бо иштироки роҳбарият ва кормандони Дастгоҳи марказии Вазорат бахшида ба Рӯзи Конститутсияи Ҷумҳурии Тоҷикистон ҷамъомади тантанавӣ баргузор гардид.

Ҷамъомади тантанавиро бо сухани муқаддимавӣ муовини Вазири рушди иқтисод ва савдо Гулрӯ Ҷабборзода ифтитоҳ намуда, таъкид намуд, ки Конститутсияи Тоҷикистони соҳибистиқлол ҳуҷҷати тақдирсоз буда, барои рушду нумӯи кишвар саҳми назаррас гузоштааст.

Ҳамчунин, дар ин чорабинӣ кормандони Раёсати таъминоти ҳуқуқии Вазорат – О. Алидодов, Д. Чалая ва Б. Гулрузов зимни суханрониашон қайд карданд, ки Конститутсия яке аз муҳимтарин рукнҳои мавҷудияти давлати соҳибистиқлол буда, барои рушди иқтисодию иҷтимоии Тоҷикистон нақши муҳим мебозад.

Вохӯрии Саидраҳмон Назризода бо намояндагони Департаменти тиҷоратии ноҳияи Мухтори Синтсзян- Уйғури Чин

Подробности статьи

1 ноябри соли ҷорӣ дар Вазорати рушди иқтисод ва савдои Ҷумҳурии Тоҷикистон вохӯрии муовини якуми Вазири рушди иқтисод ва савдо Саидраҳмон Назризода бо ҳайати намояндагони Департаменти тиҷоратии Ноҳияи Мухтори Синсзян-Уйғури Ҷумҳурии Мардумии Чин баргузор гардид.

Ташрифи намояндагони Парлумони Британияи Кабир ба Вазорат

Подробности статьи

25 октябри соли ҷорӣ дар Вазорати рушди иқтисод ва савдои Ҷумҳурии Тоҷикистон вохӯрии Муовини Вазири рушди иқтисод ва савдо Умед Давлатзод бо намояндагони Парлумони Британияи Кабир аз Палатаи намояндагон ва Гурӯҳи дӯстии парлумонии Тоҷикистону Шоҳигарии Муттаҳида ҷаноби Найҷел Миллс ва Пол Монангон баргузор гардид.

Ҷаласаи навбатии Ҳайати мушовара

Подробности статьи

25 октябри соли ҷорӣ дар Вазорати рушди иқтисод ва савдо ҷаласаи Ҳайати мушовара баргузор гардид, ки дар он ду масъала- ҷамъбасти натиҷаҳои рушди иҷтимоию иқтисодии Ҷумҳурии Тоҷикистон ва фаъолияти Вазорати рушди иқтисод ва савдо дар нуҳ моҳи соли 2016 ва гузориши Раёсати ҳамкориҳои иқтисодии хориҷӣ роҷеъ ба рафти иҷрои Протоколи ҷаласаи 13-уми Комиссияи байниҳукуматии Ҷумҳурии Тоҷикистон ва Федератсияи Россия оид ба ҳамкориҳои иқтисодӣ мавриди баррасӣ қарор гирифт.

Дар ҷаласа Вазири рушди иқтисод ва савдо, муовинони Вазир, роҳбарони воҳидҳои сохторӣ ва кормандони Дастгоҳи марказӣ, инчунин сарварони муассисаҳои тобеи Вазорат ширкат варзиданд. 

Ҷаласаи Ҳайати мушовараро бо сухани муқаддимавӣ Вазири рушди иқтисод ва савдо Неъматулло Ҳикматуллозода оғоз намуда, сипас, оид ба ҷамъбасти натиҷаҳои рушди иҷтимоию иқтисодии Ҷумҳурии Тоҷикистон ва фаъолияти Вазорати рушди иқтисод ва савдо дар нуҳ моҳи соли 2016 сардори Сарраёсати таҳлили макроиқтисодӣ, дурнамо ва ислоҳоти иқтисодӣ Зафар Бурҳонзода гузориш дод.

Ҳамчунин, оид ба фаъолияти анҷомдодаашон дар нуҳ моҳи соли ҷорӣ, нақшаҳо ва мушкилоти ҷойдошта роҳбарони воҳидҳои сохторӣ ва муассисаҳои тобеи Вазорат баромад карданд.

Оид ба масъалаи дуюми рӯзномаи ҷаласа - роҷеъ ба рафти иҷрои Протоколи ҷаласаи 13-уми Комиссияи байниҳукуматии Ҷумҳурии Тоҷикистон ва Федератсияи Россия оид ба ҳамкориҳои иқтисодӣ сардори Раёсати ҳамкориҳои иқтисодии хориҷӣ Фаррух Солиев гузориш дод.

Дар охир ҷаласаи Ҳайати мушовара оид ба масъалаҳои баррасишуда қарорҳои дахлдор қабул намуд.

Вохӯрии Умед Давлатзод бо Халида Бузар

Подробности статьи

Вохӯрии Умед Давлатзод бо Халида Бузар 24 октябри соли ҷорӣ дар Вазорати рушди иқтисод ва савдои Ҷумҳурии Тоҷикистон вохӯрии муовини Вазири рушди иқтисод ва савдо Умед Давлатзод бо ҳайати намояндагони Бунёди Байналмилалии Рушди Кишоварзӣ (IFAD), ки таҳти роҳбарии Директори Департаменти Шарқи Наздик, Африқои Шимолӣ, Аврупо ва Осиёи Марказӣ доктор Халида Бузар ба Душанбе ташриф овардаанд, баргузор гардид. 

Вохӯрии Вазир бо Суҳайл бин Муҳаммад ал-Мазруӣ

Подробности статьи

20 октябри соли ҷорӣ дар Вазорати рушди иқтисод ва савдои Ҷумҳурии Тоҷикистон вохӯрии Вазири рушди иқтисод ва савдо Неъматулло Ҳикматуллозода бо Вазири энергетикаи Амороти Муттаҳидаи Араб ҷаноби Суҳайл бин Муҳаммад ал-Мазруӣ баргузор гардид. 

Вохӯрии Вазир бо Хаген Эттнер

Подробности статьи

Имрӯз дар бинои Вазорати рушди иқтисод ва савдои Ҷумҳурии Тоҷикистон вохӯрии Вазири рушди иқтисод ва савдо Неъматулло Ҳикматуллозода бо роҳбари Барномаи «Мусоидат ба рушди фарогири иқтисодиёт барои беҳдошти сатҳи зиндагии аҳолӣ дар деҳот (TRIGGER)»-и Ҷамъияти ҳамкориҳои байналмилалии Олмон (GIZ) ҷаноби Хаген Эттнер баргузор гардид.

Вохӯрии Умед Давлатзод бо Сафири Латвия дар Ҷумҳурии Тоҷикистон

Подробности статьи

Имрӯз дар Вазорати рушди иқтисод ва савдои Ҷумҳурии Тоҷикистон вохӯрии Муовини Вазири рушди иқтисод ва савдо Умед Давлатзод бо Сафири Латвия дар Ҷумҳурии Тоҷикистон ҷаноби Эдгардс Бондарас баргузор гардид.