20 июли соли 2017 дар ҳошияи сафари худ ба Ню-Йорк ҷиҳати иштирок дар Форуми сиёсии сатҳи баланд, Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода бо Муовини Дабири кулли СММ оид ба масъалаҳои иқтисодӣ ва иҷтимоӣ У Хунбо мулоқот намуд. 

20 июли соли 2017 Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода дар чорабинии сеюми махсуси СММ оид ба об ва офатҳои табиӣ таҳти унвони “Мутобиқшавӣ ба тағйирёбии иқлим ва офатҳои табиӣ марбут ба об”, ки дар қароргоҳи СММ дар ш. Ню-Йорк баргузор гардид, иштирок ва суханронӣ намуд.

19 июли соли 2017 дар қароргоҳи СММ дар ш. Ню-Йорк зимни ҷаласаи Форуми сиёсии сатҳи баланд (HLPF-2017) муаррифии Ҳисоботи ихтиёрии миллии Тоҷикистон оид ба татбиқи Рӯзномаи 2030 баргузор гардид. Ҳисоботи мазкур таҳти унвони “Баланд бардоштани некуаҳволӣ тариқи ҳамгироии ҳадафҳои рушди устувор ба сиёсати миллии рушди Тоҷикистон”, аз ҷониби роҳбари ҳайати кишвар дар HLPF – Вазири рушди иқтисод ва савдо Неъматулло Ҳикматуллозода ироа карда шуд.