Бо мақсади иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҷлиси Ҳукумати Ҷумҳурии Тоҷикистон аз 31 майи соли 2023, ҷиҳати вусъат додани корҳои ободонию бунёдкорӣ, таъмини рушди нишондиҳандаҳои иқтисодӣ ва назорати сифати иншоотҳои бунёдшаванда бахшида ба ҷашни 35 - солагии Истиқлоли давлатии Ҷумҳурии Тоҷикистон муовини якуми вазири рушди иқтисод ва савдо Солеҳзода А. А. ба ноҳияи Панҷи вилояти Хатлон сафари корӣ анҷом дод.

13 июни соли 2023 дар шаҳри Тифлиси Гурҷистон ҷаласаи муштараки Гурӯҳи тиҷоратии минтақавӣ (RTG) ва Кумитаи ҳамкориҳои гумрукӣ (CCC)-и Созмони ҳамкориҳои минтақавии иқтисодии Осиёи Марказӣ (CAREC) баргузор гардид, ки дар он Муовини Вазири рушди иқтисод ва савдои Ҷумҳурии Тоҷикистон Насриддинзода Рухшона Ҳикматулло иштирок ва суханронӣ намуд.

12 июн дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Президенти Бонки Осиёии рушд ҷаноби Масатсугу Асакаваро ба ҳузур пазируфтанд.