Ҳайати Ҷумҳурии Тоҷикистон дар маросими ифтитоҳи расмии ҷаласаҳои солонаи Гурӯҳи Бонки Исломии Рушд иштирок намуд
Рӯзи 12 майи соли 2023 ҳайати расмии Ҷумҳурии Тоҷикистон бо роҳбарии Вазири рушди иқтисод ва савдо, Мудири кишварии Бонки Исломии Рушд аз Тоҷикистон Завқизода Завқӣ Амин дар маросими ифтитоҳи расмии ҷаласаҳои солонаи Гурӯҳи Бонки Исломии Рушд зери мавзӯи “Ҳамкорӣ барои пешгирии буҳронҳо” дар шаҳри Ҷиддаи Шоҳигарии Арабистони Саудӣ иштирок намуд.
Вазири рушди иқтисод ва савдо бо Роҳбари Корпоратсияи Байналмилалии Исломии Маблағгузории Савдо ва Корпоратсияи Исломии Рушди бахши хусусӣ Созишномаи ҳамкориро ба маблағи умумии 100 миллион доллари ИМА ба имзо расониданд
Рӯзи 12 майи соли 2023 дар шаҳри Ҷиддаи Шоҳигарии Арабистони Саудӣ Вазири рушди иқтисод ва савдо, Мудири кишварии Бонки Исломии Рушд аз Тоҷикистон Завқизода Завқӣ Амин бо Роҳбари Корпоратсияи Байналмилалии Исломии Маблағгузории Савдо (ITFC) ва Корпоратсияи Исломии Рушди бахши хусусӣ (ICD) Ҳани Салем Сонбол вохӯрӣ анҷом дод.
Дар вохӯрӣ бо Вазири молияи Арабистони Саудӣ ҷудо намудани маблағҳо ба соҳаҳои иқтисоди миллӣ муҳокима гардид
Дар ҳошияи ҷаласаҳои солонаи Гурӯҳи Бонки Исломии Рушд, ки рӯзҳои 10 - 13 майи соли 2023 дар шаҳри Ҷиддаи Шоҳигарии Арабистони Саудӣ давом доранд, Вазири рушди иқтисод ва савдо, Мудири кишварии Бонки Исломии Рушд аз Тоҷикистон Завқизода Завқӣ Амин бо Вазири молияи Арабистони Саудӣ Муҳаммад бин Абдулло Ал-Ҷадаан мулоқот анҷом дод.
