Иштирок ва суханронии Муовини Вазири рушди иқтисод ва савдо дар ҷаласаи 14-уми Шӯрои роҳбарикунандаи Барномаи ҳамкории иқтисодии минтақавии Осиёи Марказӣ (БҲИМОМ)
1 декабри соли 2023 дар шаҳри Тифлиси Гурҷистон ҷаласаи 14-уми Шӯрои роҳбарикунандаи БҲИМОМ баргузор гардид, ки дар он Муовини Вазири рушди иқтисод ва савдои Ҷумҳурии Тоҷикистон Восидиён Фарҳод Саъдулло иштирок ва суханронӣ намуд.
Восидиён Ф. С. ба ҷониби Гурҷистон барои сатҳи баланди омодагӣ ва ташкили ҷаласаи 14-уми Шӯрои роҳбарикунандаи БҲИМОМ изҳори сипос намуда, қайд кард, ки Тоҷикистон таҳти сиёсати хирадмандона ва дурандешонаи Пешвои миллат, Президенти Ҷумҳурии Тоҷикистон Ҷаноби Олӣ муҳтарам Эмомалӣ Раҳмон ба таҳкими ҳамкориҳои иқтисодӣ дар доираи БҲИМОМ таваҷҷуҳи хоса дода, аз кишварҳои аъзои он даъват намуд, ки ҳамкориҳои зичи минтақавиро тақвият бахшанд.
Дар ҷаласа Нақшаи амалиётии Институти ҲИМОМ барои солҳои 2024-2025, Нақшаи қабули кормандон, Нақшаи буҷет барои соли 2024 ва дигар масъалаҳои муҳим баррасӣ гардиданд.
