Все статьи

Баҳодиҳии ОПЕК оид ба барзиёдии нафт дар бозори ҷаҳон дар соли 2019

Подробности статьи

Тибқи маълумоти Агентии «Reuters» ОПЕК огоҳ намудааст, ки дар соли 2019 бо назардошти коҳиш ёфтани рушди иқтисоди ҷаҳон ва афзоиши таҳвили нафт барзиёдатӣ дар бозори ҷаҳонии нафт пешбинӣ мегардад.

ОПЕК дурнамои рушди талаботи нафт дар ҷаҳон дар соли 2019-ро таҷдиди назар намуда, пешбинӣ менамояд, ки талабот ба нафт дар ҷаҳон дар соли 2019 дар ҳаҷми 1,3 млн. баррел дар як шабонарӯз афзоиш ёфта, нисбат ба баҳодиҳии қаблӣ 70 ҳазор баррел дар як шабонарӯз кам мебошад.

Тибқи дурнамои ОПЕК ҳаҷми истеҳсоли нафти берун аз картел дар соли 2019 нисбат ба баҳодиҳии қаблӣ 120 ҳазор баррел дар як шабонарӯз зиёд гардида, дар маҷмӯъ 2,2 млн. баррелро дар як шабонарӯз ташкил медиҳад. Бояд қайд кард, ки захираҳои нафт барои тиҷорат дар давлатҳои аъзои «ОЭСР» дар моҳи сентябри соли ҷорӣ нисбат ба моҳи гузашта 5,5 млн. баррел зиёд гардида, дар маҷмӯъ 2,9 млрд. баррелро ташкил дод.

Тибқи гузориши ОПЕК захираҳои нафтӣ дар ин давра нисбат ба соли гузашта 111 млн. баррел кам мебошад.

Захираҳои нафти хом дар моҳи сентябр дар ҳаҷми 13,5 млн. баррел коҳиш ёфта, захираҳои маҳсулоти нафтӣ 19 млн. баррел зиёд гардидааст.

Изҳороти Ҳукумати Арабистони Саудӣ оид ба кам кардани ҳаҷми истихроҷи нафт дар ҷаҳон

Подробности статьи

Вазири энергетикаи Арабистони Саудӣ дар баромади худ дар конфронси «ADIPEC» давлатҳои истеҳсолкунандаи нафтро ба зарурияти кам кардани ҳаҷми истихроҷи нафт дар ҷаҳон нисбат ба нишондиҳандаи моҳи октябри соли ҷорӣ ба андозаи 1 млн. баррел дар як шабонарӯз даъват намуд.

Давлатҳои истеҳсолкунандаи нафт омодагии худро ҷиҳати кам кардани ҳаҷми истихроҷи нафт бо назардошти тағйирёбии вазъи бозор изҳор намуданд.

Инчунин Вазир қайд намуд, ки Арабистони Саудӣ ҳаҷми истихроҷи нафтро аз моҳи декабри соли ҷорӣ дар ҳаҷми 500 ҳазор баррел дар як шабонарӯз кам менамояд.

Ҷамъомади тантанавӣ ба муносибати оғози кори агрегати аввали Нерӯгоҳи барқи обии “Роғун”

Подробности статьи

17 ноябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ дар Наврӯзгоҳи пойтахт дар ҷамъомади тантанавӣ ба муносибати оғози кори агрегати аввали Нерӯгоҳи барқи обии “Роғун” иштирок ва суханронӣ карданд.

Маросими ба кор даровардани агрегати якуми Неругоҳи барқи обии “Роғун”

Подробности статьи

16 ноябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар маросими ба кор даровардани агрегати якуми Неругоҳи барқи обии “Роғун” ба шаҳри Роғун ташриф оварданд.

Мулоқот бо Ноиби Президенти Бонки Ҷаҳонӣ оид ба минтақаи Аврупо ва Осиёи Марказӣ Сирил Мюллер

Подробности статьи

16 ноябр дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ноиби Президенти Бонки Ҷаҳонӣ оид ба минтақаи Аврупо ва Осиёи Марказӣ Сирил Мюллерро ба ҳузур пазируфтанд.

Мулоқоти Неъматулло Ҳикматуллозода бо муовини Вазири корҳои хориҷии Ҷумҳурии Италия Манлио Де Стефано

Подробности статьи

Имрӯз дар Вазорати рушди иқтисод ва савдои Ҷумҳурии Тоҷикистон мулоқоти Вазир Неъматулло Хикматуллозода бо муовини Вазири корҳои хориҷии Ҷумҳурии Италия ҷаноби Манлио Де Стефано баргузор гардид. 

Маросими супоридани мукофотҳои давлатӣ ба сохтмончиёни Нерӯгоҳи барқи обии “Роғун”

Подробности статьи

14 ноябр дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ифтихори ба фаъолият оғоз кардани агрегати якуми Нерӯгоҳи барқи обии “Роғун” ба беш аз 100 нафар мутахассисони касбу кори гуногуни арсаи нангу номус мукофотҳои давлатӣ супориданд.

Иштироки ҳайати Ҷумҳурии Тоҷикистон дар якумин «Намоишгоҳи байналмилалии воридотии Экспо»

Подробности статьи

5-10 ноябри соли ҷорӣ дар якумин «Намоишгоҳи байналмилалии воридотии Экспо» дар шаҳри Шанхайи Ҷумҳурии Халқии Хитой ҳайати Ҷумҳурии Тоҷикистон таҳти роҳбарии Вазири рушди иқтисод ва савдо Неъматулло Ҳикматуллозода иштирок варзид.

Афзоиши воридоти нафт дар Ҷумҳурии Халқии Хитой

Подробности статьи

Тибқи маълумоти Саридораи гумруки Ҷумҳурии Халқии Хитой дар моҳи октябр воридоти нафт ба кишвар бо ҳисоби солона 31 фоиз зиёд гардида, 400 млн. тоннаро ташкил додааст.

Дар моҳҳои январ-октябр воридоти нафт дар Хитой 8,1 фоиз ва маҳсулоти нафтӣ 11 фоиз афзоиш ёфта, мутаносибан ба 377,2 млн. тонна ва 27,14 млн. тонна баробар гардид.

Дар баробари ин, содироти нафт аз Хитой дар моҳҳои январ-октябр 39 фоиз коҳиш ёфта, 2,3 млн. тоннаро ташкил дод.

Содироти маҳсулоти нафтӣ дар моҳҳои январ-октябри соли ҷорӣ 48,1 млн. тоннаро ташкил намуд, ки нисбат ба ҳамин давраи соли гузашта 19 фоиз зиёд мебошад.

Афзоиши ҳаҷми гардиши савдо байни Федератсияи Россия ва Ҷумҳурии Халқии Хитой дар даҳ моҳи соли 2018

Подробности статьи

Воридоти молҳо ва хизматрасонӣ аз Федератсияи Россия ба Ҷумҳурии Халқии Хитой дар моҳҳои январ-октябри соли ҷорӣ 44,0 фоиз зиёд гардид.

Ҳаҷми гардиши савдо байни Федератсияи Россия ва Ҷумҳурии Халқии Хитой дар моҳҳои январ-октябри соли ҷорӣ 28,2 фоиз афзоиш ёфта, 87,2 млрд. долларро ташкил дод.

 Тибқи маълумоти Саридораи гумруки Ҷумҳурии Халқии Хитой содироти мол аз Хитой ба Россия дар ин давра 13,0 фоиз афзоиш ёфта, 39,3 млрд. долларро ташкил дод. Содироти молҳо ва хизматрасонӣ аз Россия ба Хитой 44,0 фоиз афзоиш ёфта, 48,0 млрд. долларро ташкил дод.