6 феврали соли 2020 дар Вазорати рушди иқтисод ва савдо вобаста ба татбиқи банди 6-и Нақшаи чорабиниҳо оид ба иҷрои вазифаҳое, ки дар Паёми Президенти Ҷумҳурии Тоҷикистон аз 26 декабри соли 2019 «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» (Амри Президенти Ҷумҳурии Тоҷикистон аз 17 январи соли 2020, №АП-1325) зикр гардидаанд, ҷаласаи аввали Гурӯҳи кории байниидоравии зинаи сеюм вобаста ба таҳияи “Барномаи миёнамуҳлати рушди Ҷумҳурии Тоҷикистон барои солҳои 2021-2025”, ки ҳамчун марҳилаи дуввуми татбиқи Стратегияи миллии рушди Ҷумҳурии Тоҷикистон барои давраи то соли 2030 ба ҳисоб меравад, таҳти роҳбарии муовини Вазири рушди иқтисод ва савдо - Ҷӯразода Тоҷиддин баргузор гардид.

6 феврали соли 2020 дар Вазорати рушди иқтисод ва савдо зери роҳбарии Вазири рушди иқтисод ва савдо муҳтарам Завқизода Завқӣ Амин вобаста ба татбиқи банди 7-и Нақшаи чорабиниҳо оид ба иҷрои вазифаҳое, ки дар Паёми Президенти Ҷумҳурии Тоҷикистон аз 26 декабри соли 2019 «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» зикр гардидаанд, (Амри Президенти Ҷумҳурии Тоҷикистон аз 17 январи соли 2020, №АП-1325), инчунин ҷиҳати иҷрои Қарори Ҳукумати Ҷумҳурии Тоҷикистон аз 30 декабри соли 2019, №642 «Дар бораи Консепсияи иқтисоди рақамӣ дар Ҷумҳурии Тоҷикистон» ҷаласаи Гурӯҳҳои кории идоракунанда ва техникӣ бо иштироки кормандони Дастгоҳи иҷроияи Президенти Ҷумҳурии Тоҷикистон ва вазорату идораҳои дахлдор доир ба таҳияи лоиҳаи «Барномаи миёнамуҳлати рушди иқтисодиёти рақамӣ дар Ҷумҳурии Тоҷикистон барои солҳои 2021-2025» баргузор гардид.

Имрӯз дар Вазорати рушди иқтисод ва савдои Ҷумҳурии Тоҷикистон мулоқоти Вазир муҳтарам Завқизода Завқӣ Амин бо намояндагони Бонки Ҷаҳонӣ ҷаноби Ян-Петер Олтерс, Олег Петров (мутахассис оид ба рушди рақамикунонӣ), Михаил Бунчук (мутахассис оид ба рушди рақамикунонӣ) ва дигарон баргузор гардид.