Бо ташаббуси бевоситаи Вазорати рушди иқтисод ва савдо ва бо дастгирии БРСММ дар Ҷумҳурии Тоҷикистон 21 июли соли 2015 дар кохи «Матбуот»-и шаҳри Хуҷанди вилояти Суғд ҷаласаи навбатии Гурӯҳи корӣ ҷиҳати ҳамоҳангсозии фаъолияти мақомотҳои давлатӣ ва ташкилотҳои байналмилалӣ доир ба иҷрои ӯҳдадориҳои Ҷумҳурии Тоҷикистон дар назди Созмони умумиҷаҳонии савдо баргузор гардид.

21-уми июли соли равон дар Вазорати рушди иқтисод ва савдо аз ҷониби Раёсати таъминоти ҳуқуқии Вазорат семинар дар мавзӯи «Мубориза бар зидди коррупсия» бо мақсади иҷрои банди 25 «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020», ки бо Фармони Президенти Ҷумҳурии Тоҷикистон аз 30 августи соли 2013, №1504 тасдиқ гардидааст, доир гардид.

21 июли соли равон бо ташаббуси Вазорати рушди иқтисод ва савдо ва бо дастгирии БРСММ дар Ҷумҳурии Тоҷикистон дар маркази вилояти Суғд-шаҳри Хуҷанд ҷаласаи машваратӣ бо иштироки мутахассисони бахши иқтисоди мақомоти иҷроияи маҳаллии ҳокимияти давлатии шаҳру ноҳияҳои вилояти Суғд, мақомоти дахлдор вобаста ба танзими савдо ва хизматрасонӣ, инчунин роҳбарони марказҳои савдо ва бозорҳои вилоят доир гардид. Чорабинии мазкур дар кохи «Матбуот»-и шаҳри Хуҷанд сурат гирифт.