4 январи соли 2022 дар Вазорати рушди иқтисод ва савдо оид ба шарҳи ҷанбаҳои иқтисодии Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар аз 21 декабри соли 2021 ҳамоиш баргузор гардид. Дар он роҳбарият, Раиси Кумита оид ба иқтисод ва молияи Маҷлиси намояндагони Маҷлиси Олии Ҷумҳурии Тоҷикистон муҳтарам Файзуллозода Машраб, кормандони дастгоҳи марказии вазорат ва Маркази миллии патенту иттилоот ширкат варзиданд.

3 январи соли 2022 дар партави раҳнамоиҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири рушди иқтисод ва савдо Завқизода Завқӣ Амин ба аёдати ҳунарпешаи халқии Тоҷикистон, баррандаи Ҷоизаи давлатии Ҷумҳурии Тоҷикистон ба номи Абӯабдуллоҳ Рӯдакӣ, собиқадори меҳнат Гулчеҳра Содиқова рафта, ӯро ба муносибати аз ҷониби ЮНЕСКО боз як намунаи мероси фарҳанги миллии мо - «Фалак» ба феҳристи мероси фарҳанги ғайримоддии башарият ворид гардидан ва соли нави мелодии 2022 табрик намуда, туҳфаҳо тақдим кард.

 Ҳамкасбони азиз,

 Аз номи роҳбарият ва аъзои мушовараи вазорат Шумо ва аҳли наздиконатонро бо фарорасии соли нави 2022 самимона шодбош гуфта, некӯаҳволӣ, бахту пирӯзиҳо, зиндагонии босаодат ва толеи баланд орзу мекунам.