Все статьи

Таъсиси ширкати сармоягузорӣ аз ҷониби Ҷумҳурии Ӯзбекистон ва Аморати Муттаҳидаи Араб

Подробности статьи

Фонди таҷдид ва рушди Ҷумҳурии Ӯзбекистон якҷо бо Фонди рушди Абу-Дабии Аморати Муттаҳидаи Араб ширкати сармоягузорӣ бо маблағи 1 млрд. долларро таъсис медиҳанд.

Ширкати саҳомӣ дар шакли ҷамъияти дорои масъулияташ маҳдуд бо сармояи оинномавии 5 млн. доллар ва сармояи муайянгардидаи 1 млрд. доллар таъсис дода мешавад. Фонди рушди Абу-Дабии Аморати Муттаҳидаи Араб дар ширкати сармоягузорӣ 75,0 фоиз ва Фонди таҷдид ва рушди Ҷумҳурии Ӯзбекистон 25,0 фоизи сармояро бо имконияти ҷалби иштирокчиёни иловагӣ ба даст хоҳад овард.

Ҳамзамон Кумитаи давлатии сармоягузории Ҷумҳурии Ӯзбекистон хабар дод, ки Фонди таҷдид ва рушди Ҷумҳурии Ӯзбекистон бо «ADS Holding»-и Аморати Муттаҳидаи Араб шартнома дар бораи таъсиси фондҳои сармоягузории мустақим то 1 млрд. долларро ба имзо расониданд.

Рушди иқтисодиёти Ҷумҳурии Ӯзбекистон

Подробности статьи

Мутобиқи маълумоти Кумитаи давлатии омори Ҷумҳурии Ӯзбекистон рушди ММД дар соли 2018-ум 5,1 фоизро ташкил дода, ҳаҷми номиналии он ба 407,5 трлн. сум (45,8 млрд. доллар) баробар гардид.

Ҳиссаи андозҳои мустақим дар сохтори ММД 11,2 фоизро ташкил карда, 5,5 фоиз боло рафтааст. Ҳиссаи соҳаи кишоварзӣ дар сохтори ММД 1,6 банди фоизӣ коҳиш ёфта, 32,4 фоизро ташкил намуд.

Ҳиссаи саноат 4,1 банди фоизӣ зиёд гардида, ба 26,3 фоиз баробар гардид. Ҳиссаи сохтмон дар сатҳи соли 2017 қарор дошта 5,7 фоизро ташкил кард.

Ҷумҳурии Халқии Хитой андозҳоро барои ширкатҳои хурди тиҷоратӣ паст мекунад

Подробности статьи

Агентии «Reuters» иттилоъ медиҳад, ки Вазорати молияи Ҷумҳурии Халқии Хитой дар доираи таҳкими ташкили ҷойҳои корӣ ва таъмини устувории иқтисодиёт кам кардани меъёри андозро барои корхонаҳои хурд дар кишвар эълон намуд.

Ширкатҳое, ки ҳаҷми фурӯши моҳонаи онҳо то 100 ҳазор юан (14,8 ҳазор доллар)-ро ташкил медиҳанд аз пардохти андоз аз арзиши иловашуда озод карда мешаванд.

То ин ҷониб нишондиҳандаи мазкур 30 ҳазор юан муайян гардида буд. Қоидаҳои нав аз моҳи январи соли ҷорӣ то охири соли 2021 амал мекунанд.

Сустшавии рушди иқтисодиёти Ҷумҳурии Халқии Хитой

Подробности статьи

Мутобиқи маълумоти Бюрои омори давлатии Ҷумҳурии Халқии Хитой иқтисодиёти кишвар дар семоҳаи чорум бо ҳисоби солона 6,4 фоиз рушд ёфт.

Дар соли 2018 рушди иқтисодиёти Хитой бо назардошти сустшавии сармоя ва истеъмолот, инчунин низоъҳои тиҷоратӣ бо ИМА нисбат ба соли 2017 то 6,6 фоиз суст гардид, ки ин нишондиҳандаи пасттарин дар 28 соли охир мебошад.

Дар моҳи декабр истеҳсоли маҳсулоти саноатӣ бо ҳисоби солона 5,7 фоиз ва савдои чакана 8,2 фоиз зиёд гардид. Маблағгузорӣ ба сармояи асосӣ дар соли 2018 -ум 5,9 фоиз афзоиш ёфт. Сатҳи бекорӣ дар шаҳрҳои Хитой дар моҳи декабр 4,9 фоизро ташкил намуд.

Рушди иқтисодиёти Ҷумҳурии Халқии Хитой дар соли 2019 то 6,3 фоиз коҳиш ёфта, таваррум дар сатҳи 3,0 фоиз қарор меёбад.

Баҳодиҳии иқтисодиёти ҷаҳон аз ҷониби Хазинаи Байналмилалии Асъор (ХБА)

Подробности статьи

ХБА бо назардошти мушкилот дар Аврупо ва дар як қатор кишварҳои рушдёбанда, инчунин идома ёфтани низоъҳои тиҷоратӣ дурнамои рушди иқтисодиёти ҷаҳонро дар соли 2019-ум 3,5 фоиз ва соли 2020-ум 3,6 фоиз баҳодиҳӣ намудааст, ки ин нисбат ба баҳодиҳии қаблӣ мутаносибан 0,2 ва 0,1 банди фоизӣ кам мебошад.

Тибқи баҳодиҳии ХБА рушди иқтисодиёти минтақаи евро дар соли 2019 нисбат ба соли 2018 (1,8 фоиз) 0,2 банди фоизӣ поён рафта, 1,6 фоизро ташкил медиҳад. Дурнамои рушди иқтисодиёти кишварҳои рӯ ба тараққӣ дар соли 2019 дар сатҳи 4,5 фоиз баҳодиҳӣ гардидааст. Дурнамои ИМА бо назардошти рушди талаботи дохилӣ дар соли 2019 дар сатҳи 2,5 фоиз ва дар соли 2020-уми 1,8 фоиз нигоҳ дошта шуд. Шиддатнокии низоъҳои тиҷоратӣ новобаста аз кӯшишҳои ҳукумат ҷиҳати ҳавасмандгардонии рушд аз ҳисоби зиёд намудани хароҷотҳои буҷет ва қарздиҳии бонкӣ идома дорад.

Бинобар ин ХБА дурнамои Хитойро дар солҳои 2019 ва 2020 дар сатҳи 6,2 фоиз баҳодиҳӣ намудааст.

Дар соли 2019 рушди иқтисодиёти Британияи Кабир 1,5 фоиз ва Ҷопон 1,1 фоиз баҳодиҳӣ карда шудааст.

Вохӯрии намояндагони Агентии назорати давлатии молявӣ ва мубориза бо коррупсияи Ҷумҳурии Тоҷикистон бо кормандани ВРИС.

Подробности статьи

Санаи 25 январи соли 2019 дар Вазорати рушди иқтисод ва савдои Ҷумҳурии Тоҷикистон тибқи «Нақшаи гузаронидани суҳбату вохӯриҳои кормандони Дастгоҳи марказии Агентии назорати давлатии молявӣ ва мубориза бо коррупсияи Ҷумҳурии Тоҷикистон вобаста ба фаҳмондадиҳии муҳтавои Паёми Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар бораи самтҳои асосии сиёсати дохилӣ ва хориҷии мамлакат дар вазорату идораҳо, шаҳру ноҳияҳои тобеи ҷумҳурӣ ва ҷамоатҳои шаҳраку деҳот» Сардори Раёсати амнияти дохилии Агентии назорати давлатии молиявӣ ва мубориза бо коррупсияи Ҷумҳурии Тоҷикистон генерал-майори адлия Гулмаҳмадзода Ҷамшед ва Муовини сардори Раёсати 2-юми Сарраёсати пешгирии коррупсияи Агентӣ Назарализода Икром ташриф оварда буданд.

УНИВЕРСИАДАИ ПАТЕНТИИ АВРУОСИЁГӢ «НАЗАР БА ОЯНДА»

Подробности статьи

Универсиадаи патентии Авруосиёгӣ «Назар ба оянда» (минбаъд - универсиада) бо мақсади дастгирии ҷавонони болаёқат ва баландбардории рағбати онҳо ба масъалаҳои моликияти зеҳнӣ баргузор карда мешавад.

Мулоқоти Неъматулло Ҳикматуллозода бо ҷаноби Андреа ДаллОлио

Подробности статьи

Имрӯз дар Вазорати рушди иқтисод ва савдои Ҷумҳурии Тоҷикистон мулоқоти навбатии Вазир, Неъматулло Ҳикматуллозода бо ҳайати Бонки Ҷаҳонӣ таҳти роҳбарии ҷаноби Андреа ДаллОлио баргузор гардид.

Хоҳиши ба дигар кишварҳо муҳоҷир шудани шаҳрвандони Амрико

Подробности статьи

Хадамоти иҷтимоии «Gallup» иттилоъ медиҳад, ки қариб 16 фоизи шаҳрвандони Амрико мехоҳанд, ба дигар кишварҳо ба ҷойи зисти доимӣ раванд.

Асосан хоҳиши муҳоҷир шудан аз ИМА ҷавонони дар сини 30 сола изҳор намудаанд.

Бояд қайд кард, ки зиёда аз 26 фоизи шаҳрвандони ИМА давлати Канадаро интихоб намуданд.

Рушди иқтисодиёти Сербия дар соли 2018

Подробности статьи

Роҳбари Идораи омори Сербия изҳор намуд, ки иқтисодиёти кишвар дар соли 2018 ба андозаи 4,4 фоиз афзоиш ёфт. Дар соли 2018 хароҷоти истеъмолӣ ва сармоягузорӣ дар Сербия 9,1 фоиз зиёд гардид.

Рушди иқтисодиёти кишвар дар ин давра аз ҳисоби афзоиши истеҳсоли маҳсулоти саноатӣ ба андозаи 2,0 фоиз, аз ҷумла рушди соҳаи саноати коркард 2,1 фоиз, сохтмон 10,9 фоиз, истеҳсоли маҳсулоти кишоварзӣ 16,3 фоиз ва содироти мол ба 9,0 фоиз таъмин гардид. Таварруми солона 2,1 фоиз ва сатҳи бекорӣ 11,3 фоизро ташкил намуд.

Инчунин Хазинаи Байналмилалии Асъор дар моҳи октябр изҳор намуда буд, ки иқтисодиёти Сербия дар соли 2018 4,0 фоиз, дар соли 2019 3,5 фоиз ва дар соли 2020 4,0 фоиз афзоиш меёбад.