20 декабри соли 2019 дар Вазорати рушди иқтисод ва савдо вохӯрии муовини Вазири рушди иқтисод ва савдо Тоҷиддин Ҷӯразода, бо Ҳамоҳангсози доимии Созмони Милали Муттаҳид/Намояндаи доимии Барномаи рушди СММ дар Ҷумҳурии Тоҷикистон, хонум Пратибҳа Меҳта сурат гирифт.

Шоми 19 декабр дар шаҳри Санкт-Петербург дар доираи сафари корӣ дар Федератсияи Россия Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо истифода аз фурсати муносиб бо намояндагони диаспора, муҳоҷирони меҳнатӣ ва донишҷӯёни тоҷик, ки дар Россия кору зиндагӣ ва таҳсили илм мекунанд, мулоқот анҷом доданд.

Рӯзи 18 декабри соли ҷорӣ дар Кохи Суруши шаҳри Душанбе бо ибтикори Вазорати рушди иқтисод ва савдои Ҷумҳурии Тоҷикистон маросими ҷоизасупорӣ ба ғолибони Озмуни Бренди сол - 2019 таҳти унвони «Қуллаи Шараф» бо иштироки намояндагони Ҳукумати Ҷумҳурии Тоҷикистон, вазорату идораҳо ва иштирокчиёни озмун - намояндагони бахши хусусӣ тантанавор баргузор карда шуд.